【母女同心】劉香萍新片兼任監導編 欲邀發哥城城拍續集
蘋果日報 2019/09/30 18:03
貝安琪張達明周家蔚劉香萍
張達明、周家蔚、劉香萍與貝安琪（Ankie）等，今天於銅鑼灣出席《一棵心中的「許願樹」》發佈會，宣佈電影將計劃開拍延續篇，講述華人在異鄉的故事。
家蔚坦言正洽談劇本，不過要向天明度期，她又指希望能夠一家人參與，並回加拿大拍攝，她說：「因為我同天明都係加拿大人，天明係溫哥華，我係多倫多，其實我未去過溫哥華，所以拍攝嘅話都好想去，都想同埋小朋友，其實明年暑假都想帶佢哋去加拿大，因為表妹有兩個女，佢哋細細個已經好獨立，我都想操吓兩個仔，訓練佢哋，可以自己執行李、執書包、做家務洗碗都幾好。」家蔚又指天明忙於大陸搞生意，指天明已在大陸開了10多間咖啡店，問到是否跟陳豪分一杯羹？家蔚說：「天明嗰度未去過，反而阿Mo嗰度就去過，佢一間就精啲，唔同連鎖店。」
另外，為《一》片身兼監製、執導、編劇及出品人的劉香萍，與Ankie及孫仔小龍一同出席發佈會，劉香萍表示延續版會命名《兩棵樹》，張達明會幫忙度橋，Ankie將為戲中的主線伸延發展其他故事，並會將對白翻譯成英文。劉香萍希望邀請洪天明一家、周潤發及郭富城參演。她說：「之前見過發哥問幾時合作？佢話要2019年，今年咪係囉！Ankie 2004年為城城拍MV做女主角。」談到延續版可會找孫仔小龍演出，她坦言若時間許可的話會參與，但一切切順其自然。Ankie說：「小龍都鍾意表演吧，佢鍾意跳舞同唱歌，最重要係佢自己鍾意。」
採訪：羅慧敏
攝影：林賓尼
攝影：林賓尼
家蔚坦言正洽談劇本，不過要向天明度期。
身兼監製、執導、編劇及出品人的劉香萍，與Ankie及孫仔小龍一同出席發佈會。
劉香萍表示延續版會命名《兩棵樹》，張達明會幫忙度橋。