預算案提出針對小販的寬免措施，豁免小販半年牌費以紓緩去年佔領行動造成的影響。但在俗稱「女人街」的旺角通菜街，小販檔主張女士並不受落，「有鬼用！最緊要有人嚟買嘢」。她指近年自由行旅客「睇多過買」，生意已大不如前，以致經常「白做」，入不敷支，她認為政府應致力吸引願意消費的旅客訪港，比寬免牌費更好。

擺檔賣成衣幾十年的小販譚先生亦稱，現時靠本地客支撐生意，「自由行話我啲貨都係大陸做，好少幫襯」。他指免半年牌費「好過無」，佔領期間自己生意大跌40%，感覺比03年沙士更差，客量至今仍未回升，但他認為客量總會有起有跌，「做生意係咁㗎啦！」

不過，同在女人街樓上舖經營登山用品店的鍾建民表示，佔領期間生意同樣受影響減少約20%，但卻沒有受惠，批評財爺沒有一視同仁。他強調，生意差並非只因佔領，而是現行政策令旅遊業及零售業過份傾斜，只有做自由行生意的藥房、金行得益，「但其實馬來西亞、印尼、印度等地區遊客都有消費力，佢哋係鍾意以前旺角有好多唔同嘅嘢；依家街上人好似好多，但只有好少行業受惠」。

在旺角中心一間書包店工作的鄧小姐就指，佔領期間很多人不敢到旺角，令她生意大跌90%，每日營業額由正常時2,000元至3,000元跌至只有幾百元，但約80呎舖位，舖租連管理費要7萬元，批評政府對同區店舖無援助，直斥「唔公平！但政府幾時有公平過吖？」