現年61歲的查史美倫是有名「公職王」,現時身兼行政會議非官守議員、中國證監會國際顧問委員會副主席及多間公司的非執行董事,今年3月更接替鄭海泉,出任滙控董事會非執行董事,成為董事會內唯一一名華人成員。她於07年4月1日起出任教資會主席,任期三年,去年續任至明年7月,但最終提早離場。
有大學管理層透露,查太上任後積極加強教資會透明度,亦不時與大學管理層溝通,不過近年大學為應付明年四年學制要求更多資源,與查太屢有「交手」,未知是否因此令查太不快離場。
同為人大代表的教資會委員戴希立指,查史美倫曾私下表示,教資會工作量之多可謂超乎想像,「佢好想做好教資會嘅事,改革教資會角色同功能,但係不停嘅到訪、質保工作同院校管理層開會,真係令佢冇晒時間,佢有次話,想喺人大代表提佢強項嘅經濟議案,但係根本冇時間寫。」
他認為,查太離任未必與大學界傳來反對聲音有關,「好似理大回撥學額同城大獸醫院呢啲問題,有負面聲音係意料中事,但係教資會有咁多大問題要處理,相信查太亦唔會放喺心。」雖然四年制明年就要實行,但戴希立認為大部份決策已有決定,現時反而是適合時候讓鄭維新邊學邊做,落實執行各項措施。
新任主席鄭維新來自商界,曾擔任三所大學的校董,他自09年起出任教資會委員至今,將於今年9月20日履新。