當年今日
關於我們

  毛澤東是台獨之父? - 李八方

蘋果日報 2004/04/13 00:00


中國出咗個毛澤東,台灣都唔執輸,出番個陳水扁。最近八方聽聞有學者就台獨嘅源頭提出好多有趣睇法,大家都話李登輝係台獨之父,但有人就反駁,話應該係蔣中正,因為唔係佢當年種落咁多仇恨,台灣人唔會咁唔鍾意大陸人。

百變扁字
亦有人話台獨之父應該係毛澤東,係佢將國民黨趕去台灣,老蔣頂多係台獨之母,李登輝只屬仔嗰輩,陳水扁只係孫。
咁呢個孫真係唔簡單,因為阿扁可以百變,分分鐘連共產黨最痛限又最吹唔脹嘅「中華民國」招牌都拆埋,係共產政權嘅恩人,唔怪得喺佢出茅招第二次險勝之時,有人就將個「扁」字加「馬」字邊,話被騙了,又有人同佢加個「人」字旁,話佢偏埋一邊,佢個「扁」字加個糸字旁就變成編劇個「編」,如果打槍係佢自編自導自演就真係好戲囉。
當然你如果喺個「扁」字旁加個艇仔,就係普遍嘅「遍」,綠色遍寶島,真係除咗老毛之外,邊個夠佢厲害?


傳真︰2623-9278
電郵︰[email protected]