【李八方online】漁護署勾結英美控制野豬 注射避孕疫苗「絕子絕孫」
野豬漁護署何俊賢李八方ONLINEGonaCon
出年就係豬年,難怪漁護署對豬豬情有獨鍾,繼前排以每隻700蚊價錢買可愛豬公仔嚟演習後,原來漁護署今年初開始勾結埋美帝英帝研究控制野豬繁殖。跟住仲話想研究令豬豬絕子絕孫,怎麼可以這樣對豬豬,豬豬那麼可愛!
環境局局長黃錦星今日回覆民建聯何俊賢條書面質詢時話,由於關注動物權益團體反對,加上安全嘅考慮,舊年開始暫停咗狩獵野豬,亦由舊年10月開始幫野豬避孕及搬遷,例如搬佢哋去大潭及大欖郊野公園。
漁護署用嘅避孕疫苗叫做GonaCon,今年2月開始,署方就同美國農業部、英國環境、食物及鄉郊事務合作,實地研究吓呢隻GonaCon喺控制野豬豬繁嘅效用,而由於呢個研究係全球首創,所以署方認為現階段講成效係言之尚早,估計到出年年底先完成研究及實地永久絕育嘅可行性評估。