姜濤、陳豪、何超蓮、周秀娜、鄭欣宜、陳柏宇、謝安琪、森美等今日在佐敦出席活動，提及聖誕節，何超蓮表示有工作在身，將與男友竇驍分開過，她說：「聖誕有慈善嘅工作，希望扮聖誕老人探訪獨居老人，我而家又忙緊織冷帽畀爹哋，但原來冷帽好難織，要拆咗重織。」問到父母有沒有催婚？她說：「冇喎，順其自然，我都唔急，慢慢嚟！」她希望30歲前做好自己事業，30歲後會想結婚。

對於台灣男星高以翔早前猝死，超蓮坦言有擔心男友竇驍的休息問題，她說：「我哋都有傾過呢個問題，攰嘅話就會好危險，之前佢做嘢，被好毒嘅昆蟲咬到，係好嚴重，佢暈咗一日，而家仲係治療中。」

陳豪最近留了白鬚，他笑言希望在造型上有新嘗試，更可留到聖誕扮聖誕老人，他說：「坦白講，有小朋友之後，我已經有鬚，有次我剃咗，囡囡唔識得我，唔睬我，好失落。」他透露聖誕節將與家人到加拿大過白色聖誕節。

採訪：黃曉妍
攝影：林賓尼

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇