經濟不景，公司減薪、裁員、甚至結業負面消息不絕，被視為厭惡性工作的清潔工竟成了部份人的「救命草」，應徵人數相比疫情前急升三倍，「馬死落地行」，不少人失業後為求一工半職，即使離開本行後收入大減，亦願意放下身段，在疫情下走進清潔行業，甚至有大學生入行。

碧瑤綠色集團市場部經理Kitson Ng表示，清潔工的入職條件簡單，「基本上佢個人冇乜問題，佢肯做嘅，個工作崗位係啱佢個工作能力嘅話，其實我哋都唔介意話咩學歷、工作經驗」。他補充，除非有人失職，或不跟從指示工作，否則他們都不會輕易解僱員工。

衞生標準提升　應徵人數升三倍

另一中型清潔公司的資深人力資源部員工李先生（化名）表示，不少客戶在疫情期間皆提升了衞生標準，直接導致清潔工的需求大增，「你要搵多啲人去做消毒啦，或者可能個廁所加強清潔，咁都要真係再請多啲人」。他指出近月應徵清潔工的人數比疫情前大升三倍，約六至七成人來自飲食業，「真係正好可以吸納到一啲其他行業所流出嚟嘅人」。

在應徵者的背景方面，李先生不諱言有年輕人及具大學學位的人士入行，「我哋呢度年紀最細就26歲，最高學歷就係大學生嚟嘅，但係佢都50幾歲㗎喇，佢真係出面都搵唔到嘢做，就算佢有個大學生嘅銜頭，都係嚟我哋度做廁工囉」。大學生應徵為廁所清潔工看似是天方夜譚，卻實實在在地出現在疫情下的香港。