韓國「國民初戀」秀智近年越嚟越成熟，間中都會以性感look示人，令粉絲大呼驚喜。早前佢為韓國雜誌拍攝新相時，就穿上黑色皮bra大方騷胸及微谷事業線，未知事前有冇跟男友李敏鎬備案呢？

於今日公開嘅新相中，秀智唔再以清純為主打，大行性感路線，令人眼前一亮。於採訪中，秀智更自爆：「我冇明確嘅愛好，休息時就開車遊車河，或者跟朋友飲酒，都會一個人獨酌，瞓覺前飲一啲罐裝啤酒先瞓。」唔講真係唔知原來「國民初戀」都係酒鬼一名。