【新增動新聞】
曼城喺上星期六嘅英超賽事主場以5:0大炒水晶宮，同曼聯都係5勝1和得16分，但曼城憑住較佳得失球繼續喺聯賽榜領先。

事實上，曼城今季火力驚人，尤其最近三場聯賽狂轟16球而冇失過一球，今季六場比賽入21球亦只係失咗2球，認真犀利。

曼城最近大炒對手嘅三場聯賽，分別係主場大勝利物浦5:0、作客炒屈福特6:0同埋今場炒水晶宮5:0。至於今季暫時為曼城貢獻最多入波嘅，就係喺以六個入球同曼聯盧卡古以及車路士嘅艾華路莫拉達喺英超射手榜領先嘅阿古路，其次係有五個入球嘅史達寧同埋今季入咗三球嘅利萊辛尼。