早前有報道話，無綫因為要挽救收視，所以想直播陳豪同茵媺嘅婚禮，仲搵埋高層樂易玲出馬游說，但陳豪一味耍太極，至於陳太就更加係閂電話，搵都搵唔到。

香港時間6月11號，陳豪同陳茵媺終於喺巴黎舉行婚禮，註冊呢，上個月都做埋喇，以為無綫冇位入啦，唔係呀，今日有報道話，本來一心從商嘅陳豪，依家因為「有大有細」，惟有改變主意，同無綫續約，並要求無綫安排佢多啲機會北上搵人仔；而無綫亦食住上，要求陳豪「俾期」，等佢兩公婆返港之後，再大搞補擺酒。

據報道話，無綫計劃八月底幫佢哋喺一間五星級酒店補擺喜酒，全程直播。不過屆時茵媺個肚都成五個幾月，會唔會騷無綫呢？