人氣極盛嘅法政匯思都設街站，印咗二千本「超乜然」記事簿，上面有梁振英嘜頭，內有佢以及其他建制法律界嘅膠句，每本盛惠100蚊。任建峰覺得可以畀人喺CY等人膠句上塗鴉都唔錯。
白鴿黨向來好支持7.1遊行，但特製嘅精品通常唔係用嚟賣，而係派，當然大家多多益善，佢哋亦無拘，今年專登設計咗一款「向強權說不、向特權說不」、畫上帶領遊行隊伍嘅銅鑼灣書店店長林榮基嘅紙扇，等市民同林榮基同行。
新同盟同樣製作紙扇，積極考慮參加超區嘅關永業製作咗二萬把名為「為下一代負責」圓扇，上面印有佢同團隊成員許銳宇、黎銘澤chok爆嘅相，寓7.1遊行於宣傳，真係一舉兩得嘞。