有時為咗偶像，有粉絲唔理生命危險飛車追，亦有粉絲好激咁整容變成偶像。最常見嘅就係透過紋身將偶像嘅樣、名字刻劃喺自己嘅皮膚上。

來自利物浦37歲嘅PaulGerman係47歲嘅澳洲小雲雀KylieMinogue嘅超級粉絲，Paul話自已10歲就開始迷上Kylie，大個仔之後就喺手同腳紋上Kylie個樣、歌詞，最奇怪嘅係咁大個男人竟然紋咗個心口寫着Kylie嘅熊仔。

當Kylie去利物浦開騷，Paul就會去捧佢場。Kylie近期終於留意到呢個粉絲，仲喺Paul隻腳度簽名。Paul就即刻走去將簽名變成紋身。Kylie仲喺演唱會時叫咗Paul上台，同觀眾介紹Paul嘅紋身，Paul發夢都冇諗過有呢一日。