失業率不斷上升，𠵱家要搵份工相當困難，近年競爭激烈嘅傳媒就更加唔使講，好多傳媒機構已經紛紛減薪裁員。不過八方噚日睇《明報》，發現喺港聞版頭條位置登咗個請助理編輯廣告，標題係「失業怎麼辦？」八方心諗喺呢個環境重大張旗鼓請人，《明報》都算求才若渴，但睇真啲個廣告要求：除咗要「肯捱肯搏有創意有承擔」呢類基本條件外，重要「不怕薪低同不怕夜深回家」，又真係唔係個個「人才」都啃得落囉！
其實，傳媒工作者人工普遍已經較其他要求同等學歷職位低最少一、兩成，但係喺今日咁環境，只有工揀人，冇人揀工，就算明知做有返工冇放工的廉價勞工，打工仔以為同老闆重有議價能力咩？


E-mail：[email protected]