急切尋找工作的麥太稱,日前從一份報章招聘廣告得知,有公司聘請文員,遂按廣告上刊載的電話號碼:9572××××,致電梁小姐預約,並獲安排翌日前往旺角西洋菜南街銀城廣場一商務公司見工。
付50元制服費
事主到達後,梁小姐着她於一份簡單表格填上個人資料,草草見工後,梁小姐即向她收取五十元制服費,並謂要待八月始會通知她是否獲聘。
麥太說:「當時搵工心切,個腦乜都諗唔到。事後清醒落嚟先覺得唔妥。點解張表格上冇公司名?點解梁小姐畀唔到卡片我?點解收咗我五十蚊,我要收條佢又話冇?佢哋真係好小心,乜都唔會畀我。」
她稱,當時曾向梁小姐查問何以文員一職需付制服費,梁小姐辯稱,公司欲令員工外觀一致,以建立團隊精神云云,故不虞有詐。「嗰日我上去嘅時間,差唔多有成二十個人都係去見工,咁佢哋收埋都唔少錢喎。」
記者按廣告上電話聯絡梁小姐,一位李先生接電話,自稱是其同事,並說梁小姐放假,公司已聘得文員,不會再安排面試;又稱事忙,着記者稍後再聯絡他,即掛斷電話。事後記者多次致電,但對方均關上手機。