【北海道地震】居日港人首歷巨震:好驚!間屋好似波浪咁郁
札幌地震北海道
札幌清田區有道路在地震中嚴重損毀。twitter圖片
北海道地震災情 手機版用戶請看:
【北海道地震】 http://bit.ly/jpearthquake2018
【新增當地工幹港人情況】
北海道當地時間周四凌晨3時發生6.7級強烈地震,居於札幌的港人南山美玲從睡夢中驚醒:「真係好似波浪式咁樣,唔係打橫打戙,好似波動形狀,仲好大聲,不停『咔噠咔噠』咁樣,真係好驚。」
美玲住在一幢7層高大廈的4樓單位,自言過去不時感受到3、4級地震,但從未感受過像今次般強烈的震動,「好彩屋企只係有啲好細嘅嘢跌咗落嚟,但喺twitter見到好多人放咗相上去,郁得好緊要」,她今早看電視新聞已聽到當局發出地震預警,指未來一周內札幌有可能會發生6級或以上強度的餘震。有日本網民則上載市面受災情況,札幌市內多處有馬路被震斷,有水管爆裂導致水浸,JR北海道新幹線亦因地震要全線停駛,新千歲國際機場亦全日關閉。
早上北海道廣泛地區停電,美玲家中亦受影響,「譬如煤氣爐要有電先有暖水,冷氣機、Wi-Fi都用唔到」,她稱到當地時間早上10點,電力公司宣佈可以在今日內完成札幌地區的電力搶修。
經營民宿的她早上駕車離開札幌前往函館,途中發現有高速公路部份路段受損要暫時封閉,駕駛者要兜路經其他入口駛上公路。受供電影響,沿途不少加油站未有開門,只有少數設有後備電源的加油站繼續營業,以致站前排滿等候入油的車輛,「好多店因為無電,廁所都唔畀人用」。
中午由札幌駕車抵達函館,美玲發現函館同樣大部份地方停電,電力直至入夜都未曾恢復,而且電話訊號相當微弱,要走至鄰近酒店才能連結WiFi查看地震消費。她指受停電影響,街頭店舖大多沒有營業,路上行人稀疏,傍晚時分街上已猶如深宵,寓所附近的7-11亦提早在6時半已關門。
為了防災,美玲下午到一間家品店打算購入便攜式煤氣和電池,但店內大部份物資都已被搶購一空,最終只能買到蠟燭和即食食品回家,但排隊結帳就已經等了兩小時。她指雖然目前單位仍有自來水,但不知供水是否能穩定,已用家中所有器皿裝水備用。
正在北海道公幹的港人曾先生則表示,地震時在小樽酒店熟睡,手提電話響起警報,被吵醒後發現酒店停電,房間只有緊急照明,「當時feel到好劇烈嘅震動,係水平咁左右搖擺,幅度都幾大,窗簾喺咁fing,持續超過一、兩分鐘,然後靜止咗一陣,突然間又再震。」當時他不知道如何是好,「唔知點做好,匿埋喺洗手間入面,定係走出酒店。」
曾先生指出,酒店有日文警報,但他聽不明日,在數次餘震後,才攜帶手提電話、護照及支裝水等隨身物品離開房間,在走廊遇到酒店職員,着住客留在房間內,於是返回房間。由於酒店有後備發電機及食水供應,他返回房間後繼續睡覺至天光,「因為酒店恢復返電力,我咪繼續瞓咯,瞓到今朝起身。」
據他了解,小樽市全區地震後停電,但市內大致平靜,今早他目睹市內商店停業,甚至油站也停止營業,只有一、兩間便利店或超市繼續營業,當地居民在門外大排長龍排隊購買日用品及食物,但秩序良好;而交通燈未能運作,需依靠交通警指揮交通,「小樽離札幌千歲有一段距離,市面上災情無札幌咁嚴重,睇唔到有道路裂咗、建築物倒塌嘅情況」。他原定下周初公幹完畢後返港,但暫未知札幌新千歲機場何時重開,擔心返港行程受阻。
港台機構傳訊組總監伍曼儀地震時亦身處札幌,稱當時感受到入住的酒店整棟大廈左搖右擺,地震停止後牆身仍發出聲音,感覺相當恐怖,但當時並無旅客離開酒店。相關兩小時、約清晨5時她再感受到一次強烈餘震,但強度較第一次弱。
嫁到日本的港人南山美玲表示,今次地震像波浪一樣,令她在睡夢中驚醒。札幌多處地區有建築物受地震破壞。twitter圖片
JR北海道新幹線網站顯示受今次地震影響,列車因電力供應中斷而要停止服務。
小樽的交通燈未能運作,需依靠交通警指揮交通。曾先生提供圖片