當年今日

隔牆有耳:
美國隊長閃揈港英旗抗「紅」 - 李八方

蘋果日報 2015/09/30 00:00


傘運咁就過咗一年,喺佔旺區戴頭盔又攞盾牌嘅「美國隊長」Andy喺呢一年未停過街頭抗爭,八方就收到料,原名容偉業、做救生員嘅佢噚日朝早又出動。有市民影低咗Andy喺荔枝角港鐵站外行人路,不斷咁揈住好大幅嘅港英旗,引來唔少上班族眼望望,睇吓佢搞邊科!
八方之後搵到「美國隊長」,佢話今次出動係要向長沙灣廣場「挑機」。事緣商場喺中秋時,放咗啲解放軍公仔同掛咗五星紅旗,Andy覺得咁樣係政治舉動,好唔應該囉!至於點解唔踩入商場,Andy解釋係為途人安全着想,所以揀喺對面行人路「閃揈」一陣。八方之後去商場走咗轉,啲解放軍公仔已經散晒水,但天花仲有好多幅五星紅旗「壓頂」!
empty
長沙灣廣場喺中秋期間大搞「紅色」佈置。