全城追捧嘅韓劇《來自星星的你》，估唔到有人睇中劇集高人氣有利可圖，竟然將劇本放上網兜售，點知被劇組發現警告。

《星星》製作組話唔知兜售者點樣得到啲劇本，但希望佢唔好再咁樣做，話如果係咁，製作組一早就可以大把錢啦！同時公開咗《星星》第1、第3、第6、第12同第13劇本嘅認證照。

製作組之後又再上傳《星星》第19集劇本同餅乾相，仲話：「要毀掉《星星》三大惡1：劇透2：販賣劇本3：來歷不明嘅結局（摸摸戒指摸摸戒指），請不要看劇透！也不要相信劇透！」