台灣Energy成員蕭景鴻(阿弟)同老婆MEI(邱馨葦)結婚10年，育有兩個寶貝女，本來應一家五口，冇諗到5年前Mei意外小產，導致現時難以受孕，一直係兩公婆嘅遺憾，呢件事甚至連奶奶都唔知情，直到佢心情平復，二人先敢對外講呢件事。

Mei接受台灣媒體訪問時，回想起往事：「我記得那時候錄影，我發現自己下面在出血，趕快先用外套遮身，後來去廁所就血崩，最後去醫院檢查，醫生說胎兒已保不住，只好拿掉了。」

佢又坦言同老公都想追仔：「我一直幻想家裡的車上可以坐滿，我跟阿弟坐前座，3個小孩就坐後座，多歡樂啊。」不過佢曾小產，加上o依家38歲，自言應該難再圓夢。

其實阿弟同老婆MEI成日喺節目爆家事，之前上過《私房話老實說》差啲就變成「離婚擂台」，當時阿弟投訴老婆MEI成日趁佢未返屋企，就偷偷跑出去玩，朝早先返嚟，指老婆MEI唔想返家係因為想逃避湊小朋友嘅壓力，MEI當場嘈起上嚟!二人曾經有好多次想離婚，兩人一開始成日為錢同小朋友嘈交。