【姣婆遇着脂粉客】《溏心》原班人馬演出 司棋姐慨嘆:遲咗鍾意舞台劇
溏心風暴李司棋夏雨舞台劇秘密
夏雨、李司棋、米雪、關菊英和阮兆祥延續劇集《溏心風暴》,今年4月一齊參與曾偉明嘅舞台劇《秘密》,佢哋今日齊到尖沙嘴出席記者會,司棋姐今次舞台劇嘅角色係有腦退化,佢話現實中就未有呢個情況出現,只係記劇本會需要花多啲時間。
司棋仲話自己遲咗鍾意做舞台劇:「同拍劇唔同,演員喺舞台劇可以主動,劇集有時好用心演,但之後會被剪左。」夏雨笑謂呢次合作係「姣婆遇着脂粉客」,兒時心願係想喺中山紀念館演出,早年已願望達成。
此劇暫演5場,阮兆祥稱若反應熱烈會加開5場,大部份演員已合作多年,擔心前輩曾偉明聲音響亮被嚇,更怕接不到對方嘅戲,曾偉明就笑話:「我得把聲,大家都係爆肚高手,到時大家互兜。」另外,有份贊助呢齣劇嘅羅霖就會客串演出,問到佢同大陸小鮮肉分手傳聞時,佢就話:「本來今年想發展感情,發展感情要好多時間,但養3個仔重擔搞到我透唔到氣。」前夫負擔兒子生活費很少,所以犧牲感情,如果沒小朋友可立即結婚。
精選娛聞,喺晒《娛果》
http://fb.com/appledailyent