女星孔孝真，上月拍攝《沒關係，是愛情啊》期間發生車禍受傷，事故後發現左側膝蓋十字韌帶斷裂，上星期做咗手術之後一直休養未有參與拍攝。

喺9號，孔孝真再度恢復參與拍攝，劇組人員特別準備咗蛋糕同花歡迎佢返嚟。因為孔孝真無諗過會有歡迎派對而非常感動，笑得好開心，表示：「呢段時間令大家擔心，好抱歉，因為有大家對我嘅照顧，我一定能好快完成恢復。」其實孔孝真嘅傷未完全復原，不過佢相當積極咁要求恢復拍攝，而當日都表現得好好，令人再一次敬佩佢嘅專業精神。

而孔孝真嘅拍檔趙寅成係當日全場最開心嘅人，除咗一見到孔孝真就被佢一個大大嘅擁抱之外，趙寅成當日仲非常無微不至咁照顧孔孝真。新劇嘅製作發佈會喺15日舉行，而首播日就係23日。