林嘉欣憑《百日告別》成功擊敗舒淇、張艾嘉同趙濤，爆大冷以黑馬姿態成為應屆金馬影后，開心到爆嘅佢仲食薯片慶祝，就知佢真係有幾忘形，其實佢套《百》片上星期已喺香港上咗畫，因為藝術成份都幾高，所以第一日開畫只係開咗12場，票房只係得4萬左右。

不過當嘉欣喺星期六嘅金馬頒獎禮封后之後，套戲都即刻升呢，喺星期日雖然只係開得10場，但係個票房仲反而升咗有成5.6萬元，噚日星期一票房都唔錯。

同人唔同命，同樣角逐金馬影后嘅趙濤套《山河故人》，因為冇金馬影后效應，所以嗰票房都冇乜特別起跌，已經踏入第4周上映，票房每日平均都係一萬蚊左右。