今朝早（21日）於六點半，何良馬房「赤兔寶駒」由騎師李寶利策騎大圈快跳，練馬師全程響烽火台地下用望遠鏡睇實，又親自打錶。

意國型男李寶利於機坪落馬之後又拍馬頸又摸馬頭，收操之後又去烽火台同何良密斟，動態極為積極。

「赤兔寶駒」今季贏馬一戰就係跑田草1400米，輸咗打吡之後叠埋心水操練，今次重遊勝途第五場一班1400米賽事，一定要吼住。