首度懷胎的魏女士擔心力氣不足以應付自然分娩，決定採用剖腹方法誕嬰。她於去年12月向位於油麻地的婦產科醫生鄧遠釗診所查詢費用。她表示，診所護士告知全包費用為28,000元，「我問佢呢個價錢包唔包擇日同擇時辰，佢話到時醫生可私底下幫我安排，但係唔會寫喺單據上，佢仲叫我揀嘅時辰係醫生開診以外嘅時間就得。」

魏女士表示，她選定3月28日（星期三）下午５時至７時分娩，並交付3,000元按金，「我當時已經睇清楚，醫生逢星期三下午休息，應該唔需要加收費用，不過張收據就淨係寫日期，無寫時間。」
二月初，魏女士往診所覆診，醫生稱如她指定時間動手術，需另加費用。她質問何以診所護士之前講明28,000元是全包，「佢就話要指定時間就要加錢，我問加幾多，追問咗好耐，佢先話3,000蚊左右。」魏女士有被屈的感覺，擔心再被加收其他費用，即使取消預約被沒收按金，也寧願改往另一診所登記。

記者曾致電聯絡鄧遠釗醫生，一位自稱為診所護士的譚姑娘回覆本報表示，劉醫生委託她回答記者查詢，該診所收取剖腹分娩的基本費用為28,000元，有關病人從無表明要擇時辰生產。問及加費問題，她說：「如果要擇時辰，就算我唔加，醫院都加…唔知佢聽錯定誤會啦!」
記者追問額外加收的3,000元是醫院還是醫生收取?譚姑娘表示由醫生收，「佢揀嗰個時間5至7（pm），係醫生應診時間，要特登cut病人先同佢做到手術。」不過記者其後致電該診所查詢星期三的開診時間，確定診所逢周三下午休息。
檔案編號：0208038