44歲嘅鄭伊健，同39歲蒙嘉慧(YoYo)拍拖六年，終於肯結婚。之前話係2013，後又傳日前福岡訂婚。但伊健死口話唔係，總之一定係出年﹕「一結就結，唔使訂(婚)。」但幾時結、邊度結，點都唔講。

傳就係咁傳，話佢兩個會喺西九嘅W酒店或者RitzCarlton擺50圍；謝天華、林曉峰、錢嘉椹、錢國偉等做兄弟。咁姊妹呢？質素似唔似6號@Rubberband婚禮咁？定係好似晶晶有個至索吳敏霞？今日有報道指，因為YoYo圈中人緣麻麻，又知伊健唔鍾意熱鬧嘈嘈閉，所以近年少同圈中人做朋友，反而多搵教會姊妹做friend。連佢自己至愛嘅打麻雀都戒埋。

本來YoYo諗住搵蔡少芬、陳法蓉、洪欣等。但依家蔡少芬大咗肚，洪欣又為無辜被追債煩緊，依家唔知點好。有指YoYo都係向教友埋手，日前仲同幾個疑似姊妹嘅中女喺上海cafe密斟。其中兩個煙駁煙好似好頭痕。睇佢哋個樣似雀友多啲囉。做姊妹的話，肯定令人大失所望﹗﹗﹗