讀者趙先生二月隨旅行社到韓國滑雪，他不滿導遊服務欠佳，不但沒有安排滑雪課程，多名團友用餐後不適仍不聞不問。
趙先生說：「星晨呢個團，講明有教練教半日滑雪課程，但去到滑雪度假村，就變成導遊教十零分鐘就算。第三晚，食過酒店自助餐後，我同幾個團友又屙又嘔，最後要去醫療室，醫生即刻Call導遊，但導遊最後都冇嚟了解！」

旅遊保可提供支援

星晨旅行社發言人指，抵達度假村因天色已晚，故先由導遊教導滑雪，但強調有需要可翌日安排教練，但團友並無要求。至於部份團友指進食自助餐後不適，導遊在接報後已趕往醫療室處理，但因非與團友共住同一酒店，步行需時，到抵達時，團友已離開才產生誤會。
旅遊業議會主席何麖霆強調，領隊與導遊照顧團友是基本的操守和責任。他說：「一定要買旅遊保險，團友喺外地唔舒服，第一時間要向領隊求助外，亦可以考慮用保險提供嘅急症支援熱線求醫。」
檔案號碼：0317017

意見：「旅遊唔好食生嘢」

全民健康動力主席勞永樂提醒市民，旅行時如有屙嘔，24小時內尚未好轉，或有脫水徵狀，需立即求醫。
他說：「輕微食物中毒引致不適，食過自備嘅止屙藥，24個鐘應該有好轉，但肚瀉如持續嚴重，飲極水都冇小便同覺口渴，就係開始脫水，要即刻搵醫生。至於進食時，要留心食肆衞生狀況外，亦最好唔食『生嘢』，唔止海鮮同肉類，蔬菜都係煮熟保險啲！」

投訴請附姓名、地址、電話。有關資料僅供聯絡，絕對保密。匿名投訴恕不處理。一經投訴，本報保留刊登權利。

蘋果投訴熱線：29290000
社會服務熱線：29908288
傳真：23702192
電郵：[email protected]