當年今日
關於我們

【CanBank】如果人民大會堂有Sleep cam(散子)

蘋果日報 2019/03/04 18:00

政協會議散子

全國政協會議周日開幕,一眾老散都會搵吓有咩概念股炒吓,在經濟前景唔明朗嘅情況下,通常都係憧憬吓啲基建、水泥,國策大趨勢股份,如5G,環保之類,其實都無乜新嘢,基本上年年都係咁炒法。
至於本港政商界要到北京開會之外,其實唔少傳媒會都到政協開會場地,希望取得會議第一手資料,又或者睇吓與會人士有咩發表,開咗會一日,本港商界亦都有在開會前後發表一吓,總結落嚟,可以分為兩類,第一類係:中央國策方向是最好的系列,大灣區發展藍圖剛於兩會開會前出台,有咩好得過趁機讚頌一下。第二類係:你話點就點系列,即係話,無論中央就住邊一個行業,推咩政策出台都係支持同尊重。
其實中國人民政治協商會議(政協)開會原意就係讓各個界別人士提出建議及討論,其實呢個所謂嘅目的亦都在《中國人民政治協商會議章程》第一章工作總則嘅第二條明文規定,政治協商是對國家及地方的政策方針及政治、經濟、文化及社會生活中重要問題在決策之前進行協商,各團體亦會可以將有關重要問題提交協商。
換言之,政協會議就係提交意見嘅時機,唔知係港商開咗咁多年會都仲未摸到中央嘅底線,定係國策真的是最好嘅關係,大部份港商在政協會議上只係歌頌同支持,無發揮到政協提建議嘅功能,令人懷疑佢地點解要開會,如果可以嘅話,真係希望在本港立法會不時出現嘅《蘋果》開會Sleep cam可以入到會場,影低邊個瞓緊覺,相信可以出到相集。反而講到提建議內地商界仲做得好過港商。
散子
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money!
http://bit.ly/2ICO2Mb