每年「商台女員工」都會好「盡責」咁「流出」叱咤頒獎禮獲頒嘅得獎名單,喺早前「流出」嘅名單入面,楊千嬅就係女歌手銀獎,金銀銅分屬:容祖兒、楊千嬅同王菀之;但近日有報道指薛凱琪(Fiona)踼走咗千嬅,得到銀獎喎,由千嬅同王菀之爭銅獎。
今日薛凱琪就去到宣傳新歌《點水蜻蜓》,對於佢攞銀獎嘅報道,佢就話:「叱咤寫封信話你知呀?最好唔好睇,如果唔係咪會失望,我已經付出咗120分努力,對產量同努力有交代0架喇。我係有信心嘅職員同歌手,好老土呀。」
Fiona都講到好朋友王菀之結婚,佢就話已經喺WhatsApp祝福對方:「我、佢、吳雨霏同林二汶有個groupchat,阿之話佢嫁得出啦,要用其他三個女仔嘅力量祝福我。」