【12：12更新】新增動新聞
「我覺得自己好冇用，唔想留喺世上！」86歲的鄧婆婆今年1月落車時遭九巴車門夾住衣服，但司機繼續開車，最終其左腿遭輾爛需兩度截肢保命。從此，鄧婆婆由原本愛四處旅遊、愛獨立生活，變成被困老人院，大小便也要人幫忙處理，她對此深感無奈，「但(司機)唔錯都錯咗，唔通打佢一身咩！」

鄧婆婆早年喪夫，當雜工獨力養大兩名兒子，現時已兒孫滿堂，有5個孫和6個曾孫，一直健康樂天的她最嚮往自由自在生活，故獨居水邊圍村。事發當日，她在元朗街市買完餸後搭九巴回家，在水邊圍村下車時，遭車門夾住衣服，她大叫，但司機繼續開車，結果其左腳被巴士後車輪輾過。涉事的女司機本月中在區域法院被判囚9個月，停牌3年。

鄧婆婆在意外發生後，左腿幾乎被輾到「爛晒」，留醫5個月，至今年6月才出院。其二子葉生憶述，意外後母親左小腿的骨全碎要截肢，醫生原本說會保留膝頭，方便日後安裝義肢，但最終因傷口感染要再切去膝頭，一個多星期內接受兩次截肢手術，也忍不住流淚。「媽媽平時好堅強，好忍得痛，但醫生說要再切短啲隻腳，佢都忍不住喺我哋面前喊出嚟，我哋都好心痛。」

鄧婆婆出院後，要用輪椅代步，家人安排她入住老人院，葉生指原本母親十分抗拒入住，但為了方便24小時有人照顧，只能無奈接受。鄧婆婆稱：「依家生活梗係唔方便啦，要人搬上搬落，又要墊尿片，唔慣都要慣啦。」出事前，鄧婆婆愛四處旅行，到過日本、東南亞等，連同1至2天的短線團，一年可外出旅遊5至6次，但現在失去左腿，人生從始變成零自由，「很無奈、失望。」她更指現時左腳仍不時麻痺和疼痛，要食止痛藥。

對於巴士司機被判囚，鄧婆婆慨嘆：「都算還我一個公道……，不過唔錯都錯咗，唔通打佢一身咩，大局整定，惟有安慰自己。」現時她只希望巴士司機小心駕駛，看清楚路面才開車，「唔好擒擒青開快車，唔好咁失魂，令大眾搭車平平安安。」

葉生又透露，早前老人院姑娘反映，母親曾說「覺得自己無用，唔想留喺世上。」遂安排精神科醫生，發現她患上中度抑鬱要服藥，家人唯有每日盡量輪流探望她，令她感到有人關心，家人除花上大量精神外，老人院連同醫療費用，每月花費達3萬多元，現時正循民事途徑向巴士公司追究責任。

記者：郭美華

你敢爆，我敢獎！ 即Call《蘋果》24小時爆相爆片熱線 ：63836568