前排范冰冰就拍咗內地劇集《武則天》,嚟緊喺出年就會播喇,而喺今日,就有幾張冰冰嘅《武則天》劇照流出,網民睇完仲大讚冰冰好靚,真係美若天仙囉﹗
今次流出嘅劇照,係冰冰飾演嘅少女武則天,剛剛入宮劇照,33歲嘅冰冰仲要向高難度挑戰,因為佢要扮14歲時嘅少女武則天。冰冰一身粉紅薄紗露肩裙,33歲扮14歲都毫無違和感。
網民仲留言大讚特讚:「粉嫩少女到霸氣女皇。」﹑「太驚豔啦!可是還是宮女的時候就這麼美,以後怎麼受得了。」﹑「太逆天啦,美呆了」、「這長相還不是正選,除非皇上瞎了…」哇....讚到呢﹗
另外,由張鈞甯扮演青春時期嘅江南才女徐慧劇照都有流出,同冰冰一樣都係咁靚,網民仲話:「這叫皇上如何是好啊!」