我臉皮超厚，對住NTI快速汽車護理嘅Pat姐，大條道理咁屈個新春靚價畀讀者。一開口我話$888要有齊洗車同打蠟，Pat姐諗咗一陣，「唔……電腦洗車再加內櫳吸塵，車身護理就用3A級OG水晶蠟，包架車滑不留手。」普通啲喎，扮諗加多兩錢肉緊先，「咁呀？包埋『黑金剛』輪胎護理啦，四條胎變得烏黑明亮，成$700o架。」繼續厚顏無恥，仲有無？「好啦，見係《蘋果》讀者，送埋全車皮革座椅護理啦，梳化啲罅縫、污迹都清埋，咁就全車內外都靚仔晒，其他人要加收$700。」所有服務加埋原價$2,488，大家只要揸住《蘋果》落NTI，就可享用$888新春靚價。得些好意梗唔回手，講價戰去到最後，屈埋棵葱先安樂，既然Pat姐講到OG條無塵布咁厲害，幾十蚊啫，送埋畀讀者啦！

服務內容：電腦洗車、車櫳吸塵、OG3A級水晶蠟、黑金剛輪胎護理、全車皮革座椅護理、送OG無塵布一條
原價：$2,488
蘋果價：$888
優惠期：今日至2月21日

查詢：NTI快速汽車護理（23452193）

火炭車皇會，洗完車再上5重深層水晶蠟，以獨門纖維毛球作打蠟，特別幼細無花痕。
（$1,288）

查詢：車皇會（61019814）

挑戰者專攻商場客，當中迷你套餐最受歡迎。包括3重水晶蠟、蒸氣清潔內櫳、皮革及輪胎護理。
（$1,380起）

查詢：挑戰者（25089222）

電腦洗車每次$118，但包13次洗車嘅套票全城最抵，只需$1,180，另加$300再送打蠟服務。
（$1,180）

查詢：電腦洗車屋（27553001）

觀塘歐亞算老字號，出名大師傅人手起迹同上蠟。用上超貴德國Zymol靚蠟，洗埋車都係幾百蚊。
（$780起）

查詢：歐亞汽車服務（29514005）