為見偶像你有幾盡？近日喺日本同外國都發生幾宗藝人被瘋狂粉絲襲擊或者恐嚇嘅報道，情況都幾令人擔憂。

而韓國方面亦有部份熱情粉絲超級迷戀偶像，佢哋為咗貼身追蹤偶像仲唔會理會到底身處何地，好似新人女團I.O.I咁，近日喺韓國網上就發現佢哋連去廁所都被人死跟。當中成員俞璉靜同金世正（前譯金世靜）於前日舉行嘅簽名會時，就被粉絲死跟，而上載嘅照片中就見俞璉靜從洗手間出嚟，佢一見到有人影相即露出尷尬笑容，之後另一張相就係金世正從廁所行出嚟。

兩張照片曝光後，網民都力斥瘋狂粉絲行為，留言鬧爆：「咁都算係粉絲？跟到洗手間太過份了」、「為睇明星難道要追到洗手間？」、「就算係粉絲都要講禮貌」等。