唞咗一晚，今晚世界盃開始踢十六強賽事，先嚟嘅係法國對阿根廷，夜啲仲有場烏拉圭對葡萄牙，要追睇波嘅又何止你我他，原來仲有已經嫁作人婦嘅蒼井空。

今日蒼井空喺微博度貼出嘆茶嘅相，相中有一隻英文字母S、相信係蒼老師個名頭文字S嘅杯，襯托住背景係一片青空，佢話：「好天氣、我家的咖啡廳，喝如意寶茶，好氣氛。」仲有一張好大機會係蒼老師素顏嘅相，好pure好白淨。

然後，有網民問蒼老師今晚世界盃有咩心水，佢就話會撐阿根廷嘅美斯同葡萄牙嘅C朗。睇番蒼老師以往啲心水，都OK準，唔算明燈，大家有興趣嘅，可以同蒼老師一齊支持吓。

精選娛聞，喺晒《娛果》
http://fb.com/appledailyent