今年香港電腦通訊節又大破紀錄,52萬入場人次,市況真係咁掂,腦場Sales就唔使喊晒口嗌生意難做啦!好多廠牌同腦場咁貴租都要霸番個位,除咗谷當期熱賣產品,大多都係清舊貨性質,骨精龍老友C就喺第二日入場使咗成四千蚊,有芒、機頂盒同DVD-R,數落好似幾抵,但我同佢上網格番價,發現型號舊不特止,加埋仲要貴成10%,當然未計過海車錢同入場費!骨精龍就有招冷靜買嘢心法,就係每當有畀錢衝動時,先問吓自己:「若果平時喺高登見到,會唔會買先?」若果會,即證明你真係有需要,否則就代表你畀外圍客觀因素影響咗,為買而買。