【韓流】上月傳婚訊 朱相昱車藝蓮宣佈5月結婚
朱相昱車藝蓮華麗的誘惑
韓國38歲男星朱相昱跟31歲女星車藝蓮因為合作拍攝韓劇《華麗的誘惑》而撻着,兩人去年公開戀情後,上月已傳出過婚訊,不過當時就否認,直到今日二人終於公佈好消息,表示將於5月25號舉行婚禮。
今日韓媒報道,朱相昱跟車藝蓮將於5月結婚,並將於下月去海外拍攝婚照。上星期車藝蓮出席S.E.S成員Bada婚禮時,亦接到花球,未知Bada係唔係一早已知車藝蓮要做人妻?
而朱相昱所屬事務所亦承認婚訊,表示:「跟當事人確認後,朱相昱跟車藝蓮確實係計劃於5月舉行非公開婚禮,希望大家能夠給予正為人生中重要日子做準備嘅兩位,送上溫暖嘅祝福。」
朱相昱跟車藝蓮因為合作拍攝前年10月開播嘅《華麗的誘惑》而撻着,二人拍劇期間日久生情,經常於拍攝空檔約會,一直到去年3月公開戀情。
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。