獨立短篇電影《十年》因題材觸及消滅粵語、港獨、國安法等政治敏感問題，令影片大收旺場，亦令港人開始反思，同時也觸動了內地政府的神經，對於影片入圍今年香港電影金像獎最佳電影，令內地禁止轉播金像獎頒獎典禮一事，電影人昨紛紛關注事件。
其中葉蘊儀（Gloria）昨日在理工大學出席由婦女動力基金舉辦的真人圖書館分享會，敢於為香港藝人發聲的她，昨被問到《十年》遭內地封殺時說：「冇睇部戲，但有睇新聞，有啲人過份緊張，過份令事情誇大，做藝人有社會責任，要為你覺得需要嘅事出聲。每套電影都有佢嘅message，我哋生活緊嘅時代就係呢個時代，唔可能因為一啲小眾就唔畀佢哋講，唔使咁緊張。」

周家怡：一早預咗

周家怡昨日在灣仔出席寵物活動時，當被問到她有份演出的電影《十年》因入圍金像獎而令內地禁止轉播一事，她說：「其實國內嘅朋友翻牆上網好犀利，所以如果佢哋想睇嘅，一定有辦法睇到。一早預咗內地會有咁嘅反應，𠵱家佢哋一刀切係費事麻煩，我估佢哋驚啲演員上台講得獎感言。」
另外，導演陳果昨日出席九展一個音樂頒獎禮時，被問到有冇看過《十年》時，他說：「未有時間睇，不過係值得向人推薦嘅，好似有600萬票房，相信佢有600萬價值，係敏感啲，講社會問題嘛。」對於內地因《十年》入圍金像獎而禁播頒獎禮，陳果表示：「咁大劑呀？可能套戲唔啱佢哋嘅意識形態，不過我未睇，唔知佢有幾唔啱。」此外，河國榮昨日於灣仔會展出席活動，他就《十年》令內地禁播金像獎一事時說：「唔出奇吖，佢哋冇辦法一定要咁做，因為內地經濟開始衰退，佢哋要話畀人民知政府仲係可靠，所以唔可以俾人睇到暴動呢啲電影，禁播係啱嘅。」他又指因經濟衰退，故未來人民生活將越來越艱苦，內地政府只能禁播《十年》等敏感題材電影及相關物品，免得會發生如戲中的內戰問題。
採訪、攝影：盧妹、譚倩宜