【罕見意外】街坊︰BB女好得意 聽到噩耗好心噏
女嬰昏迷良景邨良萃樓
屯門良景邨良萃樓,昨晚9個月大女嬰,疑在雙人床睡覺期間跌下,昏迷床邊地下,送院後不治。姓廖BB女一家傷心欲絕,對事件不欲重提。有女街坊則表示,廖姓一家住有父母、一對兒女,大仔近年才結婚,女兒則婚後搬出,去年媳婦誕下BB女,又聘請了外傭照顧BB女,一家六口幸福和諧。「個仔(BB女父親)我由細睇到佢大,睇住佢結婚生女。」女街坊暱稱B女做「美少女」,坦言她「幾白淨、幾靚女,肥肥白白,真係好得意㗎!」
她指廖姓一家人經常出街,平日不時與鄰居打招呼,廖父任裝修判頭,妻為家庭主婦,媳婦則從事美容工作。「佢地好好人,成家都好錫BB女,幫佢扮得好靚出街」,街坊曾聽聞外傭表示BB女不肯瞓BB床,「一放佢落去(BB床)就喊,成日扭計」,估計她應睡大人床。
女街坊聽到BB女猝逝,坦言感到「好心噏」,「佢地第一胎,諗唔到會咁,BB女好得意,我會問候佢地」。