6年冇開個人演唱會嘅李克勤，將於9月假紅館舉行入行30周年紀念演唱會，網上公開咗克勤演唱會嘅「絕望座位表」，四面台大約只有兩成座位公開發售，對正控制台嘅正、左、右三面全部畫黑晒，留作內部認購同信用卡訂飛，即係話觀眾如果想買靚位飛，可以完全死心了。

門票於今日發售，網民紛紛留言投訴：「不如唔好公開啦，成（乘）機局人用咭囉，o依家都係想咁啫。」、「入到，但尾場冇晒280連位，480都無乜正面連位又高行數，超黐線。10:35再入，竟然買到尾場280-3連位，神奇」、「差不多全黑，都唔知買嚟做乜」、「主辦真係HOLD咗好多位……9分1嚟公售」、「叫咩嘢做演唱會啫……改名叫私人派對，咁呢個派對就請咗位歌星李克勤來表演唱歌3粒鐘……個場黑成咁，記住帶電筒……」