李蕙敏（Amanda）今日到新城宣傳新歌《再度》，講到新歌MV入面佢以火辣比堅尼泳裝上陣，相當性感，問到Amanda老公睇到介唔介意？佢話：「老公知，佢仲睇得好開心，佢都係麻甩仔嚟嘅，平時鍾意踢波打機，又鍾意睇《星球大戰》，骨子裏都係一個傳統麻甩仔，因為咁所以睇到開心。」

Amanda又透露，老公今晚有Party，將會表演唱歌，佢話：「佢都唱得幾好㗎，尤其是低音，我都有份俾少少意見。而且好欣賞佢玩就玩得好投入，真係要上網搵衫，打扮好晒咁見人。」

講到兩公婆嘅「造人」大計，Amanda話：「順其自然啦，o依家保持住一個好relax嘅狀況。」佢坦言好多「造人」方法都試過，但仍舊未有好消息，唯有隨緣。