今日（7日）馬匹流動性不大，只得羅富全（外號六爺）馬房「好腳頭」退役。

呢匹九歲馬服役贏過八場，其中七場於泥地取得，另於田草2000米贏過一場，堪稱一代泥地健將。

「好腳頭」來港後先由鄭俊偉訓練，跑咗四季贏四場。

當羅富全於前季開倉，「好腳頭」馬主便帶兵支持。

此駒由六爺接手後，第一季贏一場，上季則獲三Win，可以話有晒交代。

無奈歲月催人老，「好腳頭」今季跑咗十場都未上過名，近兩場都跑第十名，上周三（1日）泥地夜馬成為其職業生涯告別戰。