野蠻奶奶晚晚在三色台大戰戈師奶，現實生活中不少網友每天都生活在對拆婆媳關係中。不少新抱仔在討論區內大數奶奶惡行，Ngnglv坦言上網發洩下，好過跟老公講完又吵架，傷感情。

綜觀各回帖，奶奶與新抱的交惡原因，不外乎被對方待薄或自由被干預。Fionawang咬牙切齒：「（擺酒時）我在台上同佢個寶貝仔玩『愛的宣言』，點知佢聽後十分不滿，在席上突然發脾氣，又尖叫話唔去敬酒，一啲面都唔畀我。」Gegege稱註冊時老爺要返工，奶奶要打牌，結果兩個都無到場，生完之後連粥水都無。Wawamama奶奶更在她懷孕時炒綠豆芽、蒸貓魚及煲冬瓜湯，累她只能吃白飯。
其他經典情況包括：叫新抱假日才與兒子行房以免影響工作；拍拖一個月即叫女方幫煮飯、拖地、抹塵；叮囑新抱如生女就「落咗佢」……看來三色台編劇可以參考參考。
還是Tweetybird有道理：「一家人相處得融唔融洽，真係要睇個奶奶和新抱如何相處」，大家退一步海闊天空呀！
http://forum.baby-kingdom.com/viewthread.php?tid=1252582&extra=page%3D1

《蘋果》網聞請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]