【新增影片】

大角嘴浪澄灣本月分三輪開售，蔡先生頭兩輪也欠運氣，今次再接再厲，抽中26號前籌，成功㨂樓，以約760萬元買入一個兩房單位。

美國加息喎？仲敢買樓？蔡生話，自己係有少少㥑慮，不過見睇啱心水，呎價又幾吸引，又有海景及市區樓，自己個籌又㨂到呢間，但再貴就不會買。

香港樓價會跌嗎？蔡生話比較微，睇過評論都話唔會，除非經濟太差，先有可能會跌少少，但未必太多。此時他指向售樓處買樓人潮，「眼見好多真係有需求買樓」。

而政府每次出招只對二手影響較大，啲人變咗逼住買一手。

蔡生稱自己是「首置客」，本身有自住樓，但不知佢名，與父母同住，今次買入單位是用作投資收租。但他並非首次買樓，6年前買元朗盤，3年前賣出賺六至七成，「始終香港買磚頭係保值啲」，而家再度入市，希望食過返尋味。

記者：朱連峰

掌握財經地產資訊，即Like「蘋果ATM」fb專頁啦！
http://fb.com/appledailyatm