亞視前主要投資者王征舊年2月入稟申請將亞視清盤，之前司榮彬一方早前已向法庭提交債務重組方案，法庭今日開庭處理。最後法官批准方案，並撤銷清盤呈請。( 新聞連結： http://bit.ly/2iTVWRR )

亞視唔使清盤，更委任吳雨任做亞視行政總裁，吳雨大哥亦有一大籮計劃，當中除搵咗陳志雲擔任全新一輯《百萬富翁》主持外，仲話搵咗陶傑同曾華倩主持節目。今日《蘋果》聯絡到曾華倩，問佢係咪將為亞視主持節目，華倩就話啲細節仍然洽談緊。至於亞視今次係咪用銀彈打動佢，華倩笑說：「咁吳雨大哥揾到，佢又睇住我哋大，不過真係仲有細節傾緊！（欠啲乜？）欠我（吳雨）一餐九大簋囉！同埋欠介紹一個靚仔俾我識，有埋呢兩樣就差唔多喇！」問華倩會主持什麼類型節目？華倩就話：「等真係落實咗先講啦！因為o依家真係仲有啲細節傾緊嘅！」

更多娛聞，喺晒《娛果》
http://fb.com/appledailyent