【有人操控賽果？】最後兩強打和 嘟姐揀冠軍 宣萱：大會想觀眾有新鮮感

蘋果日報 2017/09/04 00:18

宣萱嘟姐港姐2017
    今屆港姐有結果喇，冠軍係雷莊𠒇（Juliette）。賽制上，港姐冠軍係由10位星級教授兼做埋評判選出嚟，不過最後兩強係打和，由嘟姐投出最後一票。
    評判之一嘅宣萱今年一腳踢，之前同一班港姐出去台灣拍外景，做番「Mall姐」教一班佳麗，今晚又要再做評判，佢話真係好大壓力，「我都冇expect係咁（賽制），都係嚟到先知由幾個評判去決定，咁我有一定壓力，命運在我哋手上。」點睇個賽制？佢話：「大會每年都會諗唔同方法，去令觀眾有新鮮感，今年佢哋諗出嚟方法，要尊重公司，我覺得OK。」
    對於最後兩強，冠軍雷莊𠒇(Juliette)同亞軍何依婷(Regina)競爭激烈，宣萱笑言自己有選擇困難症，佢話：「我兩個都喜歡，個幾月前去台灣，同佢哋相處3個月，Juliette整體好突出，性格好好，惟獨中文差少少，而Regina比較靜，但好大體，我提自己要睇佢哋今晚表現，我覺得Regina每part表現都好好，所以我投咗佢。」問到細個有冇諗過參加選美？佢話：「8歲10歲時有，會着媽咪高踭鞋，幻想自己係香港小姐，但大個照鏡睇吓自己個樣，就諗自己都係唔做喇。」
    empty
    empty
    （左起）亞軍何依婷、冠軍雷莊兒、季軍黃瑋琦
    empty
    empty
    最後兩強原本去到4票對4票，最後由嘟姐決定冠軍。
    empty
    empty
    宣萱話賽制每年唔同，都係想觀眾有新鮮感。