有泛民議員指出，就算建制派不參選，甚至否決政府向立會申請撥款進行五區補選，但從政府角度，他們不可能因為中央在政治上反對五區公投，於是不顧法例上對議員職位出缺後，必須進行補選的要求，「法例寫明議員有權辭職，辭職後一定要有補選，就算北京話呢個補選係公投，唔可以搞，但根據香港法例，政府唔搞補選，先至係違法」。
該泛民議員認為今次五區公投，是對曾蔭權另一次政治考驗，「一方面佢唔可以唔搞，又或阻攔五區補選，另一方面佢又唔可以唔照顧北京、左派反公投嘅態度，呢個考驗曾蔭權政治技巧，點樣做先可以平衡兩邊要求。」
本報記者