漁護署舊年底拍咗輯「虐待動物可判罰款及監禁」嘅廣告，借咗保護遺棄動物協會（SAA）嘅狗仔做演員出鏡。廣告主要話動物冇罪，但好多失寵狗仔被遺棄同虐待，其中一個畫面影住隻瘦骨嶙峋嘅沙皮狗喺天橋底好淒涼咁踱步，好似真係俾人虐待過咁款。
SAA總監陳淑娟同八方講出真相，原來隻沙皮狗叫「𡃁坤」，真狗唔係咁瘦，只係打陰影同燈光嘅效果。
至於廣告中飾演跛腳狗嘅就叫Single，八方見佢不但行得走得，呢排仲做埋捐血狗救同類，上次拍廣告時只係綁住隻腳扮跛，呢兩隻狗果然好戲！