地產多聲道：軍官女皇替畢山拍廣告
蘋果日報 2003/02/27 00:00
最近豪宅新盤示範單位，包裝得有幾靚得幾靚之餘，發展商重好落本拍樓盤廣告。長實畢架山一號廣告片，今晚首播，噚日畀傳媒朋友先睹為快。繼電盈遠赴法國拍貝沙灣廣告後，畢架山一號都唔弱，到充滿藝術文化氣息嘅布拉格，重由法國康城得過獎嘅名導演LaszloKadar操刀。
段廣告片以三位人物做骨幹，分別以女皇、諾貝爾獎得主同埋軍人做主角，象徵地位、才華同仰慕，目的係想帶出有王者風範嘅人，唔需要炫耀都會被人景仰。由於畢架山一號前身，正正係軍人宿舍，地位顯赫，廣告片因而用「風範不是說出來的」做主題，意境都幾高深。
發展商話段片用咗成二百幾萬。
柴灣戲院變飲食娛樂中心
舊年底易手，前柴灣戲院，將會變身成飲食娛樂中心，走年輕人路線，現正翻新，預期4月中竣工。
環翠飲食娛樂城坐落喺柴灣環翠道一百二十一號，地下至四樓，總共近三萬呎，據負責招租嘅代理行講，有卡拉OK、連鎖食肆傾緊租，其中一客戶計劃租用半幢，估計最快3月中達成協議。電影光碟嘅出現嚴重影響戲院市道，睇嚟戲院物業轉型成潮流商場嘅例子會愈嚟愈多！
段廣告片以三位人物做骨幹，分別以女皇、諾貝爾獎得主同埋軍人做主角，象徵地位、才華同仰慕，目的係想帶出有王者風範嘅人，唔需要炫耀都會被人景仰。由於畢架山一號前身，正正係軍人宿舍，地位顯赫，廣告片因而用「風範不是說出來的」做主題，意境都幾高深。
發展商話段片用咗成二百幾萬。
舊年底易手，前柴灣戲院，將會變身成飲食娛樂中心，走年輕人路線，現正翻新，預期4月中竣工。
環翠飲食娛樂城坐落喺柴灣環翠道一百二十一號，地下至四樓，總共近三萬呎，據負責招租嘅代理行講，有卡拉OK、連鎖食肆傾緊租，其中一客戶計劃租用半幢，估計最快3月中達成協議。電影光碟嘅出現嚴重影響戲院市道，睇嚟戲院物業轉型成潮流商場嘅例子會愈嚟愈多！
元朗逸翠軒以大自然feel作賣點，今次連宣傳活動都選擇「植樹」加以配合，夠晒環保。廣生行銷售及租務經理李銘婷話，今次重特別揀咗「福樹」，呢種樹5月開花8月結果，個名有和平福氣的意思，相當有諗頭。除咗種樹，發展商重準備好多包種籽，包括番茄及生菜，派發畀參觀人士，等個盤感覺更加有大自然氣息。
鴻運執笠過咗十日，員工已陸續搵到新工，最新消息有十位去美聯，全部有五至九年經驗，部份重攞過最佳營業員獎，大部份揀新界區分行落腳，計有粉嶺名都分行嘅Annie、Wing、Carmen、Albert同埋Jenny，入職荃灣荃豐分行嘅就有Danny，去荃灣麗城分行返工嘅有Dick同Brian，而Fire就加盟馬鞍山海柏花園分行。香港區太古城天山閣分行羅致咗Sindy。另外，聽講重有一部份鴻運員工簽咗約，等緊入職培訓。
每次有豪宅開賣，不論買唔買得起，都有唔少大小明星去參觀，噚日就有最近拍緊《陀槍師姐Ⅳ》嘅張慧儀，同舞王霍紹裘，拍住拖去睇何文田山1號同畢架山一號，唔知係唔係想買番間，作為年底新婚送畀自己嘅賀禮呢？
另外，電盈賣薄扶林貝沙灣時，話明唔准代理衝出街截客。但係港置最近成日犯禁，電盈見屢勸無效，惟有罰佢地由噚日下晝4點起，停賽24小時以示懲戒。
蘭西
電郵地址：
畢架山一號樓盤廣告
畢架山一號樓盤廣告
畢架山一號樓盤廣告
好事近嘅張慧儀同霍紹裘，昨一連參觀兩個豪宅示範單位。