提起「辣」系馬，一定想起泰、越菜食肆老闆吳創木，佢名下養有「辣得喜」，而佢位公子吳少庭則有「辣得醒」。周三晚谷草賽事，「辣得喜」將會於頭場五班1000米上陣，呢匹七歲馬上仗響同程贏馬後，吳創木力讚蘇偉賢保養功夫好，佢話有感於「辣得喜」年紀唔輕，曾經想過將佢退役，不過見愛駒近期健康良好，近三場跑谷草不勝有Ｑ，戰鬥力仍在，老馬難得狀態穩定，所以決定延遲退役日期，點都跑埋今季先諗。「辣」系馬向來鬥志百分百，今仗續跑首本路程，睇嚟吳創木父子又可齊齊拉頭馬。