由「收視福將」徐玄振孖楊世鍾主演嘅新劇《愛情的溫度》前晚首播，即時成為收視冠軍，而噚晚播出第三及第四集，收視有升冇跌，分別錄得7.2%及9.2%，當中第四集徐玄振受楊世鍾進展速度就勁快，兩人喺地鐵車廂內傾偈，楊世鍾Man爆話：「我想吻你，唔鍾意嘅話就避開。」即時啜爆徐玄按振，難怪令收視勁升，再度冧莊收視冠軍。

至於允兒同任時完主演嘅《王在相愛》噚晚播出第39及第40集大結局，收視分別有7.2%及7.6%，允兒最終都冇同任時完一齊，可以話唔係大團圓結局，收視就保持喺同檔亞軍，而KBS嘅《內衣少女時代》則繼續以4.1%繼續包尾墊底。