當年今日
關於我們

低班短途賽揀馬有重大秘訣

蘋果日報 2014/02/18 06:00

好鍾意

谷草1200米與谷草1000米雖然只相差200米,不過谷草1000米多年來「嚴重」利放,相反谷草1200米對後追馬比較有利。睇番近四場五班谷草1200米頭馬「上海先鋒」、「電訊超星」、「仁愛之友」及「金磚五國」,全部都是季內曾造出全場最快末段之馬匹。本周三頭場五班谷草1200米,只得「好鍾意」、「上海先鋒」及「雄姿儷影」今季曾造出全場最快末段,「上海先鋒」轉倉初出抽11檔,「雄姿儷影」用賴維銘,俱令人欠信心。相反「好鍾意」早於上季總場次642場,已在四班能夠連續兩段造出全場最快締速,今季在五班熱身一場後,即連仗見好,大前仗以全場最快23秒07拼入Q,追過其後已贏之「寶德」及「仁愛之友」;前仗跑泥地唔上名,只因當日不利追,但本身尾兩段22秒28及23秒22俱是該場最快;上仗全程四叠無遮擋,敗績不必介懷。復課安排試閘應有決心,交回約23秒之後勁可坐亞望冠。