第三集直播玄學節目《玲機一動》，今集麥玲玲師傅會同大家探討下靠整容係咪真係可以轉到運。佢仲會請埋「過來人」趙詠瑤（Kimi）同埋張沛樂（Charlotte）做嘉賓！

Kimi講到自己係整過容，佢就講到佢整容係冇話畀媽媽知，係整完七日之後媽媽先知，仲被媽媽鬧。玲玲姐就話整咗容，對外緣有幫助，對人緣好咗，但係就唔會改變咗個整體運程，因為嗰啲係天生命生成。

不過玲玲姐就話眼大就會桃花運好啲，下巴整太尖又唔會咁好，因為下巴代表晚運。之後就講到面形喇，沙律就面比較方，玲玲姐指方面嘅女仔好捱得，要做好多嘢。沙律仲拎埋細個嘅相出嚟，雖然冇整過，但都好大分別。桃花方面，沙律又會時結婚呢？玲玲就話兩三年後，而沙律都都預計呢啲時間。

精選娛聞，喺晒《娛果》
http://fb.com/appledailyent